No outono de 1894 o descubrimento de ouro en Klondike levou ata as rexións xeadas de Alaska a homes de tódalas partes do mundo. A chamada da selva é a historia destes homes, desta epopeia vivida no espello da aventura dun can, Buck, que tras catro anos de cómodo vagar na granxa do xuíz Miller, preto de San Francisco, ten que comenzar unha vida rexida pola lei do vergallo e da loita pola existencia para, ó cabo, sentir a chamada do atávico, o achegamento ó lobo, o seu irmán salvaxe que ha cantar co seu ouveo a canción do mundo primitivo.A presente edición de A chamada da selva recolle a traducción para o galego realizada por Gonzalo Navaza. Foi ilustrada, empregando técnicas de gravación polo vigués Federico Fernández, actual Premio Nacional de Ilustración 2002.
