Nos últimos trinta anos desenvolvéronse en Galicia moi diversas iniciativas e experiencias tendentes a lograr aquela utopía que nos sesenta se comezou a denominar " normalización cúltural " . Nese longo proceso de recuperación, desenvolvemento e regularización da nosa propia cultura habería que situar os camiños andados pala escrita dramática e a realización teatral, vieiros que, co andar dos anos, contribuirían á consolidación dos dous movementos máis vizosos e esperanzadores na nosa historia literaria e escénica: a Nova Dramaturxia e o Novo Teatro.Neste volume ofrécese únha primeira aproximación ós fitos máis significativos do período que se inicia coa creación do grupo de teatro O ' Facho e ten continuidade na posterior presentación escénica e editorial dunha manchea de novos autores e autoras e na consolidación dun reducido grupo de compañías que, en permanente interacción, asumiron a responsabilidade de converter a escrita dramática e a creación teatral nun feito central da vida comunitaria.Con esta primeira cartografía dos territorios sinalados preténdese promover novas exploracións e contribuír ao desenvolvemento da investigación sobre o:xénero dramático e á necesaria implantación dos estudios teatrais.
