AA.VV
Europaren historia ez ezik, munduarena ere -eta historia erlijiosoa ez ezik, politikoa ere- sakonki aldatu zuten gertakari erabakigarriak izan ziren Europan XVI. mendean zehar: Erreforma protestanteak. Erromarekiko eta aita santuarekiko menpetasuna hautsiz, kristautasunaren iturri ebanjelikoetara jo zuten, besteak beste, Luther, Zwinglio, Calvin eta Müntzer-ek, askatasunaren eta berrikuntzaren egarri, botere politikoen laguntzan baliatuz gehienetan (eta botere politikoekiko morrontza berrian jausiz askotan).
Erreforma protestante desberdinak izan ziren garai artega eta bilari hartan, mendebaldeko mundu berri baten atarian: luthertarra, kalbindarra, anglikanoa, anabaptista... Liburu lodi asko beharko lirateke Erreforma horietako idazki nagusiak osorik biltzeko. Testu esanguratsuenak bakarrik jaso ditugu, beraz; gutxi batzuk osorik, gehienak atalka.
