Cada lenda ten unha historia, unha orixe tan profunda e antiga que na maioría dos casos non somos quen de rastrexar. Cada lenda é un pouso decantado, vestido de adobo literario, que acumula séculos de memoria colectiva e que serviu e aínda pode que sexa útil para comprendermos mitos, ritos e crenzas que practicamos e que describen a nosa forma de ser e de entender todo canto nos rodea. Diso e de máis asuntos que irá descubrindo quen lea este libro tratan estes cento trinta relatos lendarios que percorren a provincia de Lugo de leste a oeste e de norte a sur. Oxalá sirvan para estimular a curiosidade por descubrir novos lugares imaxinarios en cada un dos nosos arredores.
![LA ACTIVIDAD POLÍTICA DE DON JUÁN [JOSE] DE AUSTRIA EN EL REINADO DE FELIPE IV (1642-1665)](https://static.serlogal.com/imagenes_small/9788416/978841633544.jpg "LA ACTIVIDAD POLÍTICA DE DON JUÁN [JOSE] DE AUSTRIA EN EL REINADO DE FELIPE IV (1642-1665)")
