Este libro preséntanos a biografía de Rafael Dieste, o gran escritor homenaxeado no Día das Letras Galegas de 1995. Dirixido a un público de idades comprendidas entre os 10 e os 16 anos, pretende facer asequible para os rapaces novos a vida e a traxectoria literaria dun escritor que xa figura por méritos propios entre o mellor da literatura galega do noso século. David Otero, bo coñecedor do mundo xuvenil, consegue con A vida de Rafael Dieste converter unha materia de estudo nun motivo para a curiosidade e o interese pola lectura.
