o encaixe é unha " arte do pobo " , unha arte popular, e Camariñas a vila mais representativa destes labores entre as nosas xentes da vella fisterra. Da man dos encaixes e das palilleiras o lector viaxará neste " Camariñas. Terra de palilleiras " pola memoria dun pobo da Galicia atlántica, estrema de Occidente, que soubo conservar vivos os seus costumes, as súas tradicións e unha maneira orixinal de ver e entender o mundo.Esta obra ofrece un amplo estudio de encaixes típicos, das camariñas e o ambiente da vila mariñeira e pescadora que lles deu nome. Non só nos brinda o coñecemento da arte de palillar, a súa leve evolución e historia,senón tamén a alma dun pobo aberto ó mar.
