Oroimenaren Hiritik kanporatua eta Ipuinen Jauna goitizenarekin, orain mundutik barrena ibili beharrean zegoen, aurkitzen zituen ipuin barreiatu guztiak bildu, bere bi morroiek zeramaten zorroan gorde eta sailkatu ondoren haien artean Sekula Kontatutako Istoriorik Ederrena aurkitzeko. Inork ez du sekula jakin nor zen bene-benetan Ipuinen Jauna: lurpeko iratxo bat, itsas jeinu bat edo zeruetako jainko bat; izan ere, oraindik inork ez daki non dagoen Oroimenaren Hiria. Seve Calleja, 1953an Zamoran jaiotako bilbotarra. Filosofia eta Letretan lizentziatua da eta gaur egun Bilboko institutu batean ari da irakasle lanetan. Literatur sortzaile emankor eta saritua ('Ignacio Aldecoa', 'Lizardi', 'Pío Baroja') eta Haur eta Gazte Literaturaren ikertzailea. Egunkari eta aldizkarietan hamaika kritika eta didaktika artikulu idatzi ditu. Bere lanak euskaraz, gaztelaniaz eta beste hizkuntza batzuetan argitaratu dira.
